قبلہ و کعبہ ایمان رسول عربی

قبلہ و کعبہ ایمان رسول عربی

دو جہاں آپ پر قربان رسول عربی

---

چاند ہو تم جو رسولان سلف تارے ہیں

سب نبی دل ہیں تو تم جان رسول عربی

---

صدقہ حسنین کا روضہ پہ بلالو مجھ کو

ہند میں ہوں میں پریشان رسول عربی

---

کس کی مشکل میں تری ذات نہ آڑے آئی

تیراکس پر نہیں احسان رسول عربی

---

کوئی بہتر ہے تو بہتر سے بھی بہتر ہے تو

سب سے اعلی ہے تری شان رسول عربی

---

تیرا دیدار ہے دیدار الہی مجھ کو

تیری الفت میرا ایمان رسول عربی

---

مجمع محشر میں اس شان سے آئے بیدم

ہاتھ میں ہو ترا دامان رسول عربی