یکتا ہے ترا طرزِ عمل ، احمدِؐ مرسل
اے سرورِؐ دیں ، نورِ ازل، احمدِؐ مرسل
شاہد تری دعوت کے ہیں صحرا شہِؐ والا
پر تو تری ہمّت کے جبل، احمدِؐ مرسل
کھائی ہے قسم عمرِ مبارک کی خدا نے
صدیوں پہ ہیں بھاری ترے پل احمدِؐ مرسل
پایا ترے افکار سے اربابِ خرد نے
ہر مسلہء زیست کا حل احمدِؐ مرسل
بس تیری رسالت سے براہیمؑ کی ملتّ
دنیا میں ہوئی خیرِ ملل، احمدِؐ مرسل
ہر ٖفیصلہ وقت ہے پابندِ تغیّر
ہیں تیرے نوا میس اٹل احمدِؐ مرسل
شاعر کا نام :- حفیظ تائب
کتاب کا نام :- کلیاتِ حفیظ تائب