اعزاز یہ سرکارؐ کی سیرت کے لیے ہے

اعزاز یہ سرکارؐ کی سیرت کے لیے ہے

ہر دَور میں انساں کی ہدایت کے لیے ہے

---

دین اُس کا ہے دستور، کتاب اُس کی ہے منشور

وُ ہ نور فلاحِ بشریت کے لیے ہے

---

اقصیٰ کی امامت ہو کہ تکمیلِ نبوّت

ہر شان ازل سے مرے حضرت ؐ کے لیے ہے

---

ہے پیش نظر اسوہ پیغمبرؐ آخر

ساماں یہ بہم فکر کی رفعت کے لیے ہے

---

کیوں ہولِ قیامت سے ہراساں ہو مرا دل

وہ شاہِؐ امم جب شفاعت کے لیے ہے

---

آنکھوں میں جھلکتا ہے تصّور شہِؐ دیں کا

دل پھر مرا بے تاب زیارت کے لیے ہے

---

ہر شعر میں پیرایہء تسلیم ہے تائبؔ

جو کچھ بھی ہے وہ مرسلؐ ِ رحمت کے لیے ہے