وطن اپنے دے گیت گاندا چلاجا
خودی دے ترانے سناندا چلاجا
توں جان اپنی ملت لئی وقف کر کے
تے ملت دی عزت بچاندا چلا جا
محبت دی تلوار دے نال مسلم
پرایاں نوں اپنا بناندا چلاجا
کدی قوم تے ملک خاطر جے سب کچھ
لٹانا پوے تے لٹاندا چلا جا
توں سیلاب وانگوں سچائی دے راہ وچ
رکاوٹ جو آوے ہٹاندا چلا جا
نشانی اے مومن دے ڈرنا خدا توں
جے موت آوے ہسدا ہساندا چلا جا
جے دشمن ترا سدھی رہ ول نہ اوے
تے توں اس نوں رستہ دکھاندا چلا جا
ایسے نعرہء جاھدو نال اعظم
توں ستیاں ہویاں نوں جگاندا چلا جا
شاعر کا نام :- محمد اعظم چشتی
کتاب کا نام :- کلیاتِ اعظم چشتی