لَمْ یَلدِ وَ لَمْ یُو لدْ

یہ زمیں یہ فلک

اِن سے آگے تلک

---

جِتنی دُنیائیں ہیں

سب میں تیری جھلک ، سب سے لیکن جُدا

---

اے خُدا اے خُدا

ہر سحر پھُوٹتی ہے نئے رنگ سے

---

سبزہ و گُل کِھلیں سِینہ سَنگ سے

گُو نجتا ہے جہاں تیرے آہنگ سے

---

جِس نے کی جُستجو

مِل گیا اُس کو تُو سب کا تُو رہ نُما

---

اے خُدا ے خُدا

ہر ستارے میں آباد ہے اِک جہاں

---

چاند سُورج ، تِری روشنی کے نشاں

پتھروں کو بھی تُو نے عطا کی زباں

---

جانور، آدمی

کر رہے سبھی تیری حمد و ثنا

---

اے خُدا ے خُدا

نُور ہی نُور بِکھرا ہے کالک نہیں

---

دوسرا کوئی حَدِّ گماں تک نہیں

تیری وحدانیت میں کوئی شک نہیں

---

لاکھ ہوں صُورتیں

ایک ہی رنگ میں تُو ہے جلوہ نُما

---

اے خُدا اے خُدا

سو نپ کر منصبِ آدمیّت مُجھے

---

تُو نے بخشی ہے اپنی خلافت مُجھے

شوقِ سجدہ بھی کر اب عنایت مجھے

---

خَم رہے میرا سَر

تیری دہلیز پر ہے یہی اِلتجا

---

اے خُدا ے خُدا