خواجہ تری خاک آستانہ

خواجہ تری خاک آستانہ

ہے طرہ تاج خسروانہ


ان کی ہی نظر کا ہوں نشانہ

دل لے کے جو ہو گئے روانہ


اے خواجہ معین الدین چشتی

اے ہادی و مرشد یگانہ


سن لو مری دکھ بھری کہانی

سن لو غم ہجر کا افسانہ


مجھ پر بھی کرم کہ آپ کا ہوں

مجھ پر بھی نگاه خسروانہ


جن پر ہوئے مہربان خواجہ

بخشا انہیں چشت کا خزانہ


سرکار کے ناوک ادا کا

ہے طائر سدرہ بھی نشانہ


پروانہ عندلیب سے سن

اے دل گل و شمع کا فسانہ


قائم رہے تا قیام عالم

یہ قصر یہ بزم صوفیانہ


ہنگام سجود یارے خواجہ

بیدم ہو نماز پنجگانہ

شاعر کا نام :- بیدم شاہ وارثی

کتاب کا نام :- کلام بیدم

جذبہ ِ عشق ِ سرکارؐ کام آگیا

تری شان بو ترابی ، مرا ذوق خاک بازی

یہ حسرت یہ تمنا ہے ہماری یار سول اللہ

اس آفتاب رخ سے اگر ہوں دو چار پھول

شبِ سیاہ میں پُرنور ماہِ تمام آیا

بُلاوا دوبارہ پھر اِک بار آئے

تُو ایک قلزمِ رحمت وسیع و بے پایاں

اللہ اللہ کیا کر

سُنتے ہی رب کی حمد زبانِ حضور سے

طواف اُن کا کرے بزرگی