بابا ہیں ترے شاہِ عرب سیدہ زینب
ہے پاک ترا اعلیٰ نسب سیدہ زینب
اے بنتِ نبی بنتِ خدیجہ ترے دل کو
پہنچے ہیں بہت رنج و تعب سیدہ زینب
اے اُمِ امامہ ترا اکرام ہے واجب
کرتے ہیں فرشتے بھی ادب سیدہ زینب
اے قاسمِ نعمت کی بڑی لاڈلی بیٹی
صدقہ ترا کرتے ہیں طلب سیدہ زینب
چادر مرے آقا نے کفن کے لئے بخشی
خلاق سے واصل ہوئی جب سیدہ زینب
اشفاقؔ نے پائے ہیں جو انعام جہاں میں
سب ہیں ترے بابا کے سبب سیدہ زینب
شاعر کا نام :- اشفاق احمد غوری
کتاب کا نام :- صراطِ حَسّان