وچ کپراں دے پھس گئی بیڑی پیرا ایس نوں بنے لا
سنیاں ایں نقشبندی بیڑے دا علی پور والیا توں ایں ملاح
اے لج پال غریب نوازا اچیاں تیریاں شاناں
دامن بھر دے اس منگتے دا اے سخیا سلطاناں
صدقہ اپنی آل را شاہا میرے تے وی کرم کما
وچ کپراں دے پھس گئی بیڑی پیرا ایس نوں بنے والا
خوش وسے پروار سخی دا جھات کرم دی پاویں
آ ڈگیا ہاں تیرے در تے اللہ نہ درکار ویں
کی ہویا جے ہاں میں گندا گند یا ندے وی نال نبھا
وچ کپراں دے پھس گئی بیڑی پیرا ایس نوں بنے لا
گھر لاثانی در لاثانی، لاثانی ایں ناواں
لاثانی دے بوہے اتوں میں کیوں خالی جاواں
پیر لاثانی مرد حقانی شان تیری سبحان الله
وچ کپراں دے پھس گئی بیڑی پیراں ایس نوں بنے لا
نام تیرے دیاں دھماں پئیاں چڑھدے لہندے سائیاں
میں وی نام تیرے دا چرچا دوروں سن آکے آئیاں
چٹی ٹوپی والیا پیرا میری وی تقدیر بنا
وچ کپراں دے پھس گئی بیڑی پیرا ایس نوں بنے لا
اٹھے پہر ای فیض تیرے دے رہندے لنگر چلدے
میں جیہے لکھاں خادم آقا در تیرے تے پلدے
لکھاں نیازی ورگے شاہا در تیرے دے ہین گدا
وچہ کپراں دے پھس گئی بیڑی پیرا ایس نوں بنے لا
سنیاں ایں نقشبندی بیڑے دا علی پور والیا توں این ملاح
شاعر کا نام :- عبدالستار نیازی
کتاب کا نام :- کلیات نیازی