عاشق جان نبی توں صدقے کردے رہندے
سر نذرانہ پیراں اُتے دھردے رہندے
یاد مدینہ جد سوہنے دا آجاندا اے
اتھرو آپے اکھیاں وچوں ورھدے رہندے
کلمہ پڑھ کے نعت نبی توں سڑ دے جیہڑے
ناں اوہ رہندے گھاٹ دے ناں اوہ گھر دے رہندے
حوراں تے رضوان فرشتے وانگ غلاماں
در سوہنے دے سدا سلامی بھر دے رہندے
نام محمد ﷺ لے کے جہڑے چھڈے جاندے
اوہ ہر حال دیوچہ سفینے تردے رہندے
اوہناں تائیں ملے حضوری تے منظوری
جا کے وچ مدینے جہڑے ڈردے رہندے
صائم بھکھ ستاوندی کدی نہیں اوہناں تائیں
ہو کے جیہڑے پاک نبی دے دردے رہندے
شاعر کا نام :- علامہ صائم چشتی
کتاب کا نام :- کلیات صائم چشتی