عاصی ہوں کہاں جاؤں میں سلطان مدینہ

عاصی ہوں کہاں جاؤں میں سلطان مدینہ

جھولی میں میری ڈال دے رحمت کا خزینہ

---

ہے مجھ کو قسم حق کی وہی سینہ ہے سینہ

جس سینے میں آباد ہے آقا کا مدینہ

---

ہے دل میں میرے اب تو یہی ایک تمنا

ہو دل کی انگوٹھی میں تیرا نام نگینہ

---

دامن کو میرے خود ہی بھریں اپنے کرم سے

آتا ہے کہاں مانگنے کا مجھے کو قرینہ

---

ایماں ہے یہی میرا یہی میرا عقیدہ

رکھتے ہیں دو عالم کی خبر شاہ مدینہ

---

طوفاں ہے بڑی زور کا اور دور کنارا

لگ جائے کنارے پہ غلاموں کا سفینہ

---

مانا کہ بڑی خوب ہے عنبر کی بھی خوشبو

بڑھ کر مگر اس سے محمد کا پسینہ

---

سج جاتی ہیں ہر سمت درودوں کی محافل

آ جاتا ہے جب ان کی ولادت کا مہینہ

---

جب تک ہے سلامت میرے سانسوں کی یہ مالا

بجتی ہی رہے من میں تیرے نام کی بینہ

---

اک مرد قلندر نے نیازی یہ کہا تھا

جس دل میں وہ رہتے ہیں وہی دل ہے مدینہ