آئی رات معراج دی نورانی جاگے بھاگ نے او گنہاراں دے
اس راتیں عرش تے میل ہوئے دونہہ گوہڑیاں سجناں یاراں دے
اس راتیں حوراں ملکاں نے کیتی اے زیارات سوہنے دی
اس راتیں عرش اعظم نے چمے جوڑے سن سرکاراں دے
اوہ والی دوہاں جہاناں دے اوہ مالک زمین آسماناں دے
سردار بنے نے اقصیٰ وچ اک لکھ تے کئی ہزاراں دے
جہاں راہواں توں اوہ لنگھ ٹریا اوہ راہواں جاندیاں مہکدیاں
اوہدی نسبت دے نال ربدی سونہہ پھل بن دے جاندے خاراں دے
جس تھاں توں سوہنا ہو آیا اوتھے آج تک کوئی نہیں جاسکیا
وچ راہ دے حوصلے ڈھے گئے من جبریل جے سرداراں دے
معراج دی رات خدادی سونہہ بڑی رحمتاں بخشاں والی اے
اس رات نیازی پار ہوئے سب بیڑے اوگنہاراں دے
شاعر کا نام :- عبدالستار نیازی
کتاب کا نام :- کلیات نیازی