تیری بڑی اچی سرکار سوہنیا
توں ایں کائنات را شنگار سوہنیا
تو ہوئیں بیکساں تے بیچاریاں دا چارہ ایں
ٹٹیاں دلاں دا اک تو ہیوں تے سہارا ایں
نام تیرا دلال دا قرار سوہنیا
تیری بڑی اچی سرکار سوہنیا
دل کدی تو ڑیا نہیں کسے توں سوالی دا
واسطه ای آقا تیری کملی نرالی را
سدلے مدینے اک وار سوہنیا
تیری بڑی اچی سرکار سوہنیا
اکھیاں بے چین نے حبیبا کدوں آویں گا
لج پال مدنی طبیبا کدوں آویں گا
موت دے قریب اے بیمار سوہنیا
تیری بڑی اچی سرکار سوہنیا
واسطه ای آقا تیری آل پاک دا
تیری آل پاک دے پیراں دی خاک دا
پھولیں نوتوں عیب میرے یار سوہنیا
تیری بڑی اچی سرکار سوہنیا
تیرے جہیا آقا غم خوار کوئی نہیں
میرے جیا پاپی گہنہ گار کوئی نہیں
نہیں میرے عیاں دا شمار سوہنیا
تیری بڑی اچی سرکار سوہنیا
تیرے ہتھ چنگیاں تے مندیاں دی ڈوراے
دے نہ نیازی نوں کوئی تیرے جیا ہور اے
تو ہیں سینے لائے خطا کار سوہنیا
تیری بڑی اچی سرکار سوہنیا
شاعر کا نام :- عبدالستار نیازی
کتاب کا نام :- کلیات نیازی