عدم سے لائی ہستی کو آرزوئے رسول

عدم سے لائی ہستی کو آرزوئے رسول

کہاں کہاں لئے پھرتی ہے جستجوئے رسول

---

خوشا وہ دل کہ ہو جس دل میں آرزوئے رسول

خوشا وہ آنکھ ہو جو محو حسن روئے رسول

---

تلاش نقش کف پائے مصطفے کی قسم

چنے ہیں آنکھوں سے ذرات خاک بوئے رسول

---

پھر ان کا نشہ عرفاں کا پوچھنا کیا ہے

جو پی چکے ہیں ازل میں مئے سبوئے رسول

---

بلائیں لوں تری اے جذب شوق صلی علی

کہ آج دامن کھچ رہا ہے سوئے رسول

---

شگفته گلشن زہرا کا ہر گل تر ہے

کسی میں رنگ علی اور کسی میں بوئے رسول

---

عجب تماشا ہو میدان محشر میں بیدم

کہ سب ہوں پیش خدا اور میں بروئے رسول