اگر ہو نگاہِ کرم میرے آقاؐ
تو آئے ابھی دَم میں دَم میرے آقاؐ
دِکھاؤ بھی شانِ کرم میرے آقاؐ!
مِٹاؤ مِرے رنج و غم میرے آقاؐ!
فلک یہ جو ہَے سارے اُونچوں سے اُونچا
تِرے آستاں پہ ہے خم میرے آقاؐ!
مدینہ بناؤ مِرا سینہ‘ آ کر !
تجھے لامکاں کی قسم میرے آقاؐ!
ذرا آ کے ہلکا کرو بوجھ میرا
کمرہے گُناہوں سے خم میرے آقاؐ!
ہو دیوارِ روضہ کے سائے میں تُربت
نہیں خواہشِ تختِ جم میرے آقاؐ!
شاعر کا نام :- حفیظ تائب
کتاب کا نام :- کلیاتِ حفیظ تائب