اکھیاں دے نیر جدائی وچہ دن رات وگائے جاندے نیں
خوش بختاں نوں محبوباں دے دیدار کرائے جاندے نیں
اک وار فرشتے روضے تے جو آوندے فیر نہ آوندے نیں
سرکار دے اُمتی نے جہڑے مُڑ مُڑ کے بلائے جاندے نیں
کعبے دا دوارا کیہہ آکھاں روضے دا نظارا کیہہ آکھاں
ایتھے درد سنائے جاندے نیں اوتھے درد ونڈائے جاندے نیں
اک جھلک پئی جد یوسفؑ دی ہتھ کٹے عورتاں مصر دیاں
بِن ڈٹھیاں اہدے نام اُتوں کئی سیس کٹائے جاندے نیں
کئی جاگدیاں دی عمر گئی رکھ رکھ کے اڈیکاں یار دیاں
سفنے وچہ آکے کیّاں دے سُتّے لیکھ جگائے جاندے نیں
ایہہ عشق ظہوریؔ کئی واری مرنے توں پہلاں مار دا اے
دکھ سہہ کے وی محبوباں دے سو ناز اٹھائے جاندے نیں
شاعر کا نام :- محمد علی ظہوری
کتاب کا نام :- کِتھے تیری ثناء