اللہ کی رحمت بن کر سرکارِ مدینہ آئے

اللہ کی رحمت بن کر سرکارِ مدینہ آئے

رحمت کا خزانہ لے کر سرکارِ مدینہ آئے

---

اس شان سے کوئی نہ آیا ، رحمت کا گھر گھر سایہ

وہ سایہء رحمت بن کر سرکارِ مدینہ آئے

---

یہ ماہ ربیع الاوّل ، رحمت کا برستا بادل

یہ کہہ کے وہ برسا گھر گھر کر سرکارِ مدینہ آئے

---

گر شاہِ اُمم نہ آتے ، ہم کس کے در پر جاتے

عاصی کی حمایت بن کر سرکارِ مدینہ آئے

---

ثانی نہیں اس دنیا میں ، پہلے بھی نہیں تھا کوئی

وہ نور کا پیکر بن کر، سرکارِ مدینہ آئے

---

ہر خار کو پھول بنایا ، منگتوں کو شاہ بنایا

جب قاسمِ نعمت بن کر سرکارِ مدینہ آئے

---

یہ کام ادیب ؔ ترا ہے لفظوں میں رنگ بھرا ہے

دل خوش ہے نعت سنا کر سرکارِ مدینہ آئے