اپنی گلیوں میں وہ پھراتا ہے

اپنی گلیوں میں وہ پھراتا ہے

سارے منظر حسیں دکھاتا ہے

---

ہر کسی کی بھلا کہاں قسمت

جس کو چاہے اسے بلاتا ہے

---

جو بھی آتا ہے اس کی چوکھٹ پر

اس کی خوشبو میں ڈوب جاتا ہے

---

سبز گنبد کو دیکھ کر سورج

کس عقیدت سے مسکراتا ہے

---

جس کی پلکیں وہاں نہیں جھکتیں

اس کی حالت پہ رحم آتا ہے

---

مانگنے کا جسے سلیقہ ہو

اپنی پلکیں وہاں بچھاتا ہے

---

جس مین اس کی بھلا نہ ہو خوشبو

ایسی جنت میں کون جاتا ہے

---

ایسا آقا یے جو غلاموں کے

ہر مصیبت میں کام آتا ہے

---

اس کی دنیا کا ہر نیا جھونکا

کتنا اونچا مجھے اڑاتا ہے

---

وہ ہے رحمت کا اک جہاں انجم

میرے دل میں کہاں سماتا ہے