بڑی کریم تیری ذات یا رسول الله
تیرے کرم کی ہے کیا بات یا رسول اللہ
بھری ہیں جھولیاں تو نے صدا فقیروں کی
ہمیں بھی دید کی خیرات یا رسول اللہ
خدائی اس کے مقدر پہ رشک کرتی ہے
جے ملا ہے تیرا ساتھ یا رسول اللہ
گزر نہ جائیں کہیں قافلے بہاروں کے
تیرے کرم کی ہو برسات یا رسول اللہ
تمام عمر کے سجدوں سے بھی وہ افضل ہے
تیرے مدینے کی اک رات یا رسول اللہ
نظر کے سامنے جلوے ہوں سبز گنبد کے
کبھی تو آئیں وہ لمحات یا رسول اللہ
کرم نواز تیری ذات ہے دو عالم میں
ادھر بھی نظر عنایات یا رسول اللہ
ہے تیرے در کے گداؤں میں اک نیازی بھی
ہے میری لاج تیرے ہاتھ یا رسول اللہ
شاعر کا نام :- عبدالستار نیازی
کتاب کا نام :- کلیات نیازی