دنیا میں جو فردوس عطا ہم کو ہوئی ہے
وہ شہرِ نبیؐ ‘ شہرِ نبیؐ ‘ شہرِ نبیؐ ہے
جو چیز بھی اس شہر سے منسوب ہوئی ہے
وہ کتنی بڑی ‘ کتنی بڑی ‘ کتنی بڑی ہے
جو روح کی تسکین ہے اور دل کی تسلی
وہ ذکرِ نبی ؐ ‘ ذکرِ نبی ؐ ‘ ذکرِ نبی ؐ ہے
دن رات یہاں ہوئی ہے انوار کی بارش
وہ کوئے نبیؐ ‘ کوئے نبیؐ ‘ کوئے نبیؐ ہے
مہر ومہہ و انجم بھی ضیاء پاتے ہیں جس سے
وہ رُوحِ نبی ؐ ‘ رُوحِ نبیؐ ‘ رُوحِ نبی ؐ ہے
انسان کے ہر نام سے جو نام بڑا ہے
وہ نامِ نبیؐ ‘ نامِ نبیؐ ‘ نامِ نبی ؐہے
اللہ نے سرکارؐ کو خود پاس بلایا
کیا اوجِ نبیؐ ‘ اوجِ نبیؐ ‘ اوجِ نبی ؐ ہے
آقاؐ کو صدا دیتے ہی وہ ہو گئی رخصت
جو دکھتی گھڑی ‘ دکھتی گھڑی‘ دکھتی گھڑی ہے
جو صنفِ سخنِ جان ہے اقبؔال سخن کی
وہ نعتِ نبی ؐ ‘ نعتِ نبیؐ ‘ نعتِ نبی ؐ ہے
شاعر کا نام :- پروفیسراقبال عظیم
کتاب کا نام :- زبُورِ حرم