غریباں فقیراں نوں گل لان والے
میرا دل وی چمکا دے چمکان والے
تیرے در تے جھولی وچھا کے نے بیٹھے
شہنشاہ دھرتی تے اسمان والے
تیرے در تے لے کے خطاواں ہاں آئے
کرم پُر خطاواں تے فرمان والے
محبت جہناں دے ہے دل وچ نبی دی
نبی دسیا اوہو نے ایمان والے
کدی ساڈے گھر ولے وی پھیرا پانا
پرے پیر عرشاں توں جا پان والے
کریں غرق اپنی محبت چ مینوں
محبت دی برسات برسان والے
وسا دیویں صائم دے وی دل دا ویہڑا
حلیمہ دی کلی وسا جان والے
شاعر کا نام :- علامہ صائم چشتی
کتاب کا نام :- کلیات صائم چشتی