ہے دیار نبی ﷺ تو ہمارا وطن

ہے دیار نبی ﷺ تو ہمارا وطن‘ ہم یہاں سے اٹھے تو کدھر جائیں گے

در بدر خاک چھانیں گے ہم عمر بھر اور پھر جاں سے اپنی گزر جائیں گے

---

اے مدینے کے پیارو! خدا کے لئے تم وطن سے ہمیں بے وطن مت کرو

تم کو آنکھیں ہماری تر س جائیں گی ہم جہاں جائیں ہم جدھر جائیں گے

---

ہم کو آقاﷺ کی نگر ی سے کیوں پیار ہے ‘ کس قدر پیار یہ تم نہیں جانتے

کچھ سمجھنے کی ِللہ کوشش کرو ‘ ہم مدینے سے بچھڑ ے تو مر جائیں گے

---

جب چلے گی مدینے سے ٹھنڈی ہوا اور کعبے سے اٹھے گی کالی گھٹا

باغ اسلام شاداب ہو جائے گا ‘ اہل ایمان کے چہرے نکھر جائیں گے

---

ہے دیار نبیﷺ کانِ جود و سخا‘ جو وہاں جائے گا سرخرو آئے گا

کم نصیبوں کی دنیا بدل جائے گی ‘ غم زدوں کے مقدّر سنور جائیں گے

---

جو ابھی تک مسرت سے محروم ہیں وہ نہ مایوس ہوں اور نہ مغموم ہوں

اٹھنے والی ہے آقاﷺ کی چشمِ کرم ‘ خالی دامن مرادوں سے بھر جائیں گے

---

جب مدینے سے دعوت ملے گی ہمیں اور آقا ﷺ کا اذنِ سفر بھی ہوا

ہم سفر ہوکوئی اور نہ رہبر کوئی اکیلے سہی‘ ہم مگر جائیں گے