ہر اک ذرے میں احمد کا گزر ضو بار باقی ہے

ہر اک ذرے میں احمد کا گزر ضو بار باقی ہے

مدینے میں جہاں جاؤں وہاں دیدار باقی ہے

---

رواں سانسوں کی مالا میں نہاں احمد کا مسکن ہے

دھڑکتے دل کی شوکت میں وہی دلدار باقی ہے

---

مرے احمد کہیں گے حشر میں امت کی بخشش کا

شفاعت حشر میں کرنے کا اک پِندار باقی ہے

---

لحد میں غم گسارِ دل فگاراں ہی سہارا دے

ہر اک رشتہ جہاں چھوڑے وہاں غم خوار باقی ہے

---

مکمل کر نہیں پایا میں بِستارِ نبی اب تک

مری ہستی ضروری ہے مری گفتار باقی ہے

---

لحد میں پوچھنے آئے ملائک مجھ سے مولا کا

زباں بولی کہ خضرٰی میں مرا سردار باقی ہے

---

زیارت کی تمنا جس کسی نے کی ہوئی پوری

ہر اک بطحا سے ہو آیا فقط حبدار باقی ہے