جیسے جیسے نور ظاہر آپ کا ہوتا رہا

جیسے جیسے نور ظاہر آپ کا ہوتا رہا

حسنِ کائنات سو جاں سے فدا ہوتا رہا

---

تاج و تخت و سلطنت سے ماوراء ہوتا رہا

آپ کے دربار کا جو جو گدا ہوتا رہا

---

شہرِ طیبہ سے قدم گھر کی طرف اٹھتے رہے

اور دل پہلو کے پنجرے سے رِہا ہوتا رہا

---

مل گیا مجھ کو مدینہ، اور واعظ شہر کا

رتجگوں پہ مان کر کے پارسا ہوتا رہا

---

میری جانب اٹھنے والا ہر قدم طوفان کا

زیرِ یادِ حیدرِ مشکل کشا ہوتا رہا

---

صرف اتنا یاد ہے کہ حاضری کا خط ملا

پھر نہیں معلوم دل میں کیا سے کیا ہوتا رہا

---

ہاں! طوافِ شہرِ محبوبِ خدا کرتے ہوئے

استلامِ روضہِ خیر الورٰی ہوتا رہا

---

اِک تبسم یار کے ہونٹوں پہ لانے کیلئے

سوئے حق سے وعدہِ تَرْضٰی وفا ہوتا رہا