یا محمد نور مجسم تیری رب نے شان و دھائی
یا حبیبی یا مولائی
تیری دو جگ تے سلطانی ، جبریل کرے دربانی
تیرا ڈیرا فرش دے اُتے تیری عرش اُتے مہمانی
تیری رب کرے وڈیائی تیری عاشق کل خدائی
یا حبیبی یا مولائی
بخشش رحمت دیاں آقا تینوں رب نے دتیاں کنجیاں
جتھے ذکر نہ ہو دے تیرا اوہ تھانواں سنجیاں سنجیاں
مئی ہر تھاں تیری دہائی ، تیری شان کسے نہ پائی
یا حبیبی یا مولائی
کوئی روندا آیا در تے تساں جھولی پائے ہاسے
کی اپنے کی بیگانے پر کہتے سب دے کاسے
تا جاں والے وی آقا تیرے دردی کرن گدائی
یا حبیبی یا مولائی
کدی آجا کرم کما کے میرے عربی مٹھل من ٹھارا
مدتاں دیاں تسیاں نظراں آ دے جا آن نظارا
اساں تیریاں تاہنگاں اندر آساں دی سیج سجائی
یا حبیبی یا مولائی
نوں نوں و چہ وسن میرے تیرے شہر دیاں خوشبوواں
اوہ دن وی آوے آقا میں جالیاں کول کھلوواں
کر کرم غریب نوازا میں رو رو عرض سنائی
یا حبیبی یا مولائی
کردا اے عرض نیازی میرا کر دے پار سفینہ
مینوں سد لے وچہ مدینے تیرا وسدا رئے مدینہ
مکی مدنی محبوبا سن میری حال دھائی
یا حبیبی یا مولائی
شاعر کا نام :- عبدالستار نیازی
کتاب کا نام :- کلیات نیازی