’’آپ کی یاد آتی رہی رات بھر‘‘
نیند آنکھوں سے جاتی رہی رات بھر
میں نے جیسے ہی چوما کبھی نقشِ پا
اک مہک جی لبھاتی رہی رات بھر
کس طرح سامنا ان سے کر پائے گی
آنکھ آنسو بہاتی رہی رات بھر
آپ کی نعت بنتی رہی سازِ دل
جو زباں گن گناتی رہی رات بھر
مل سکوں خواب میں یا نبی آپ سے
مجھ کو فرقت رلاتی رہی رات بھر
ان کی حب دار قائم سنے گفتگو
آرزو دل میں آتی رہی رات بھر
شاعر کا نام :- سید حب دار قائم
کتاب کا نام :- مداحِ شاہِ زمن