کر نظر کرم دی محبوبا بیکس ہاں میں لاچار ہاں میں
جت ہو گئی درد چھوڑے دی گیا دم دی بازی ہار ہاں میں
جیوں جیوں ورہدے اتھرو میرے تیوں تیوں سڑ دا سینہ ایں
جان دا مالک رہندا جتھے دور اوہ شہر مدینہ ایں
وچکار ہے ڈوبیا قسمت نے ناں اُرے رہیا ناں پار ہاں میں
کر کر یاد مدینہ ہر دم رو رو ہاواں بھردا ہاں
ایسا قسمت ماریا مینوں جیندا ہاں نہ مردا ہاں
خود اپنے وچ کلیجے دے جو چُبھ جاوے اوہ خار ہاں میں
روضے پاک دیاں کد آتا ٹھنڈیاں چھاواں ویکھاں گا
جس نوں چمن اون فرشتے کد اوہ تھاواں ویکھاں گا
دو پل دا پروہنا جو ہووے اوہ محبوبا بیمار ہاں میں
ہجر سجن دی آری صائم لوں لوں اندر پھر گئی اے
دل ہویا اے ٹکڑے ٹکڑے رگ رگ میری چر گئی اے
میں درد و الم وچ وجھیا ہاں دُکھ درد ہاں میں آزار ہاں میں
شاعر کا نام :- علامہ صائم چشتی
کتاب کا نام :- کلیات صائم چشتی