کوئی مثل نہیں جانی دی
قسم خُدا کھاوے اوہدی چڑھدی جوانی دی
نہیں عادت نانہہ نانہہ دی
ہے کملی مزمل دی ہتھ تیغ فتحنا دی
چہرہ وجہ اللہ اے
والقمر نے رُخسارے ہتھ پاک یداللہ اے
ہوئی نور دی جلوہ گری
زُلفاں چہ جد سوہنے والنجم دی مانگ بھری
اوہدی شان گرامی اے
فلکاں توں چن لہہ کے اوہدی بھر دا سلامی اے
کی صائم عرض کرے
جنت اوہ بن جاندی جتھے ڈھولن پیر دھرے
شاعر کا نام :- علامہ صائم چشتی
کتاب کا نام :- کلیات صائم چشتی