کرم کیجئے تاجدار مدینہ

کرم کیجئے تاجدار مدینہ

بنا لیں مجھے خاکسار مدینہ

---

انہیں بھی بلا لیجئے پاس اپنے

جنہیں ہے ابھی انتظار مدینہ

---

مرے لب پہ ہیں شہر طیبہ کی باتیں

مرا دل مری جاں نثار مدینہ

---

یہ کہہ کر مرے چارہ گر چل دئیے ہیں

ارے یہ تو ہے بے قرار مدینہ

---

فضیلت ہے کعبے کی اپنی جگہ پر

تیری شان اپنی ہے پیار مدینہ

---

نہ جبریل پہنچا نہ کوئی پیمبر

جہاں تک گئے شہسوار مدینہ

---

ہر اک روز مجھ پر عیاں ہو رہا ہے

ہے آنکھوں میں میری غبار مدینہ

---

دو عالم کی مہکی ہوئی ہیں فضائیں

میں قربان تجھ پر بہار مدینہ

---

نیازی کیا ہے یہ محسوس جا کر

سکون دل و جان دیار مدینہ