لج پال نبی سوہناں نبی برکتاں والا
اور آپ وی اعلی اوہدا گھر بار وی اعلی
سرکار دا صدقہ اے دو عالم چہ اجالا
ہے میرا نبی ساریاں نبیاں چوں نرالا
کی ہویا جے دفتر مرے عملاں دا ہے کالا
ہے میرے لئی کافی ترے ناں دا حوالہ
غم مار نئیں سکدے میرے غم خوار نے جیوندے
لج پالاں دی نسبت دا مرے سر تے دوشالا
اونہاں دے مقدراں تے مینوں رشک ہے اوندا
کھاہدا جنہاں سرکار دے ہتھاں دا نوالا
آوے نہ کدی تھوڑ کسے شے دی کسے نوں
ہر منگتا مرے آقا دا موجاں کرے شالا
ہر کار مینوں دنیا وی بے کار ہے لگدی
جپدا رہواں ہر ویلے تیرے نام دی مالا
جد نام نبی دی کوئی دیندا اے دہائی
تن جاندا اوہدے سر اُتے رحمت دا دو شالا
جاوے نہ نیازی کدی غیراں دے دوارے
بھریا روے آقا تیرے منگتے دا پیالہ
شاعر کا نام :- عبدالستار نیازی
کتاب کا نام :- کلیات نیازی