مجھے اپنا پُر نور چہرہ دکھا دے

مجھے اپنا پُر نور چہرہ دکھا دے

میں ذرّہ ہوں تو مجھ کو سورج بنا دے

---

اگر تیرے رستے سے میں ہٹ گیا ہوں

تو پھر مجھ کو اس پر دوبارہ لگا دے

---

صحابہ کی میں شاعری کر رہا ہوں

مجھے اس میں تُو سب کے آگے بڑھا دے

---

سبھی خواب میرے تُو لوٹا دے مجھ کو

تُو پھر اپنی خوشبو میں مجھ کو اڑا دے

---

صحابہ چلا کرتے جس راستے پر

مجھے بھی اسی راستے پر چلا دے

---

جہاں پر پڑے ہوں صحابہ کے جوتے

مجھے اس جگہ پر ہی لا کر بٹھا دے

---

جہاں پہ ہوں موجود سارے صحابہ

مجھے بھی وہی رنگِ محفل دکھا دے

---

مسلمانوں سے ہیں وہ دستِ و گریباں

سبھی کافروں کو خدارا بھگا دے

---

مسلماں جو اس دور میں سو گئے ہیں

مری شاعری سے تو ان کو جگا دے

---

نہ اترے نشہ جس کا تا روزِ محشر

مجھے بادہ و جام ایسا پلا دے

---

کروں اپنی آنکھوں کو میں ان سے ٹھنڈا

ابوبکر و فاروق سے تو ملا دے

---

ادب جو نہیں کرتے مولا علی کا

مجھے ایسے لوگوں سے تنہا لڑا دے

---

کھڑا رہ سکے سارے فتنوں کے آگے

مرے آقا انجؔم کو ایسی دعا دے