نہ اس جانب نظر رکھنا نہ اُس جانب نظر رکھنا

نہ اس جانب نظر رکھنا نہ اس جانب نظر رکھنا

کوئی مشکل پڑے تو تم نظر سرکار پر رکھنا

---

جو بچنا چاہتے ہو تم غم دنیا و عقبی سے

تو ان کی یاد کو دل میں بسا کر عمر بھر رکھنا

---

خزانے رحمت حق کے جہاں کو بانٹنے والے

طلب گار کرم ہوں مجھ پہ بھی آقا نظر رکھنا

---

خدا کے قرب کی منزل پر پہنچو گے بآسانی

نبی کا عشق تم اپنے ہمیشہ ہم سفر رکھنا

---

تری یادوں کی مشعل سے ہے میرے دل کا گھر روشن

ہوائے غیر سے آقا بچا کر میرا گھر رکھنا

---

نبی کے آستاں کی حاضری کا تھا عجب عالم

زباں سے کچھ نہ کہنا اور وہ آنکھوں کا تر رکھنا

---

ادھر رکھنا ادھر رکھنا جہاں سرکار کی مرضی

مگر اک عرض ہے میری جدھر رکھنا خبر رکھنا

---

تری نعتوں نے بخشی ہے نیازی کو بڑی عزت

مرے آقا سر محشر بھی اس کو معتبر رکھنا