نئیں بھُل دا مدینے دا نظارا یا رسول اللہ
سدا وسدا رہوے تیرا دوارا یا رسول اللہ
درِ کعبہ توں لے کے روضۂِ اطہر دے بوہے تک
ایہہ چانن تیرا اے سارے دا سارا یا رسول اللہ
اساڈی آبرو وی توں اساڈا مان وی توں ایں
تری رحمت غلاماں دا سہارا یا رسول اللہ
دہاڑے حشر دے سب نوں خدا بخشے گا اس ویلے
جدوں ہوجائے گا تیرا اشارا یا رسول اللہ
فرشتے، اولیاء، جن و بشر، شاہ و گدا، سب دا
ترے دربار توں ہوندا گزارا یا رسول اللہ
جدوں داناں ترا آیا ظہوریؔ دے لباں اُتّے
چمک اٹھیا مقدر دا ستارا یا رسول اللہ
شاعر کا نام :- محمد علی ظہوری
کتاب کا نام :- کِتھے تیری ثناء