نظر جو آئے گا سبز گنبد عجب نگاہوں کا حال ہوگا

نظر جو آئے گا سبز گنبد عجب نگاہوں کا حال ہوگا

لبوں پر مہر ادب لگے گی ، نظر نظر میں سوال ہوگا

---

ملے جو آقا کا آستانہ تو مجھ کو مرنا بھی ہوگا آساں

رہی جو دوری در نبی سے تو جینا اپنا محال ہو گا

---

وہ ش کو س کہنے والے نبی کے عاشق کی شان دیکھو

جو سوئے جنت چلیں گے حضرت تو آگے آگے بلال ہو گا

---

نہ ہو گا کوئی کسی کا حامی نہ ہو گا کوئی کسی کا یاور

بنے گا محشر میں جو سہارا وہ آمنہ ہی کا لال ہو گا

---

بروز محشر نبی بھی سارے پکار اٹھیں گے نفسی نفسی

قدم قدم پر میرے نبی کا نیا ہی ظاہر کمال ہو گا

---

جو ہو گی ان کی کرم نوازی تو جائیگا ایک دن نیازی

ہے میری بخشش کو یہ ہی کافی جو ان کے در پر وصال ہوگا