نور نوری کا ہمیں نوری بناتا جائے گا
نوریوں کو نورِ احمد سے ملاتا جائے گا
ہم سجاتے جائیں گے نعتِ نبی کی محفلیں
شیخ نجدی زندگی بھر منہ کی کھاتا جائے گا
دیکھو خود کو بیچ کر اچھے میاں کے ہاتھ پر
ان کا روحانی کرم اچھا بناتا جائے گا
حشر میں میزان پر اعمال جب تلنے لگیں
اک غلامِ مصطفیٰ بس مسکراتا جائے گا
عشقِ محبوب خدا ہے انتہائے بندگی
یہ وہ جذبہ ہے جو دوزخ سے بچاتا جائے گا
میں نواسا اور پوتا حضرتِ نوری کا ہوں
دوہرا دوہرا رشتہ دشمن کو جلاتا جائے گا
شیخ نجدی بزمِ برکاتی میں آئے گا ضرور
یا رسول اللہ سنے گا بلبلاتا جائے گا
شان یہ ہوگی غلامِ مصطفیٰ کی حشر میں
پل سے جب گزرے گا ہنستا مسکراتا جائے گا
رو نہ اے دل حضرتِ سید میاں کو یاد کر
ان کی نظریں پڑتے ہی آرام آتا جائے گا
قادریم نعرہ یا غوث اعظم می زنم
حشر میں نظمی یہی نعرہ لگاتا جائے گا
قبر میں نظمی سے پوچھیں گے فرشتے جب سوال
وہ درودِ غوثیہ فر فر سناتا جائے گا
شاعر کا نام :- سید آل رسول حسنین میاں برکاتی نظمی
کتاب کا نام :- بعد از خدا