اوہ وی ویلا آوے یار میں مدینے ہوواں
جے کر کرم کرن سرکار میں مدینے ہوواں
تیرے شہر مدینے آواں سبز گنبد ول دیکھی جاواں
بھاویں مل جاون دن چار میں مدینے ہوواں
جے ہووے سرکاری دی مرضی بن کے نوکر تیرے در دی
دیواں ساری عمر گزار میں مدینے ہوواں
رکھ آساں دے ہوون ساوے مڑ پیغام وصل دا آوے
اکھاں سامنے ہووے یار میں مدینے ہوواں
محبوبا مدنی من ٹھارا درد ونڈاون والیا یارا
آوے کرماں والا وار میں مدینے ہوواں
من گھن میں تتڑی دیاں عرضاں ہجر دیاں مک جاون مرضاں
تیرا ہو جاوے دیدار میں مدینے ہوواں
جی کردا میں جالیاں چماں روضے دے میں گر دے گھماں
اکھیاں روون زار و زار میں مدینے ہوواں
غم دے بحر چہ ڈب نہ جاواں واسطہ آل تری دا پاواں
میرا کر دے بیڑا پار میں مدينے ہوواں
ہجر چہ سردا رہندا سینہ لکھ دے لیکھاں وچہ مدینہ
کردا عرضاں اوگنہار میں مدینے ہوواں
مدنی سوہنیاں کرم کماویں مینوں وی چا کول بلاویں
میرے من ٹھارا من ٹھار میں مدینے ہوواں
نال مراداں بھر دے پلے کر دے میرے بخت سولے
لج پال سخی سرکار میں مدینے ہوواں
کر دے سوہنیاں کرم نوازی در تیرے تے آوے نیازی
ترا وسدا روے دربار میں مدینے ہوواں
شاعر کا نام :- عبدالستار نیازی
کتاب کا نام :- کلیات نیازی