پلکاں دے اوہلے چمکے تارے حضوریاں دے
کتھے نظر تے کتھے جلوے حضوریاں دے
ویران اکھّیاں چوں اتھرو وی مُک گئے جد
تدجا کے کدھرے پنگرے جذبے حضوریاں دے
پینڈے جدائیاں والے ہس ہس کے جنہاں جھاگے
رج رج کے اوہناں پائے بخرے حضوریاں دے
مینوں وچ اُس نگر دی وسَوں نصیب ہووے
لگے ای رہن جتھے میلے حضوریاں دے
پاندا اے ٹھنڈ گنبد‘ دیندی اے نور جالی
ونڈ دے نیں سارے منظر تحفے حضوریاں دے
وسَے سدا دوارا میرے حضورؐ والا
پاندی رہوے خدائی صدقے حضوریاں دے
اک دکھ سی بلالیؔ‘ اک اکھ سی اویسیؔ
سن رنگ وکھو وکھرے کِنّے حضوریاں دے
جنہاں دے وچ سمایا ارمان حاضری دا
اوہناں سراں تے بجھے سہرے حضور یاں دے
لگدا اے ہن بلاوا تائبؔ اے اون والا
ہر ویلے اون لب تے سو ہلے حضوریاں دے
شاعر کا نام :- حفیظ تائب
کتاب کا نام :- کلیاتِ حفیظ تائب