پہن کے تاج سر اُتے امامت دا رسالت دا
ہے آیا آمنہ دی گود وچ اوہ نور وحدت دا
جبین واضحی تے بنھ کے یٰسین دا سہرا
خُوشا صلِ علىٰ اَج آگیا لاڑا شفاعت دا
ایہ دُنیا کی خُدا خُود یار دی محفل سجاؤندا اے
جدوں دن آوندا اے کملی والے دی ولادت دا
ناں گھبراؤ گُنہ گارو ، سیہ کارو، خطا کارو
اوہ ویکھو آگیا مکے دے وچ غمخوار اُمّت دا
ہے کیہڑا ریس کر سکدا حلیمہ دے مقدر دی
جہدے اِجڑ چراوے مالک و مُختار جنّت دا
خُدا نے اَج اوہ دولت کر سپردِ آمنہ چھڈی
دو عالم چا نہ سکے بھار سی جیہڑی امانت دا
کدی ناں پار ہندا پل صراتوں قافلہ ساڈا
سہارا جے ناں ملدا کملی والے دی قیادت دا
فرشتے چُمدے صائم اوہناں راہواں نوں آ آ کے
ہے جتھے تذکرہ ہندا ولادت باسعادت دا
شاعر کا نام :- علامہ صائم چشتی
کتاب کا نام :- کلیات صائم چشتی