پختہ ایمان ہے ایہہ میرا اللہ دے گھر دیاں نہیں ریساں

پختہ ایمان ہے ایہہ میرا اللہ دے گھر دیاں نہیں ریساں

پَر ایہہ وی مننا پیندا اے آقاؐ دے نگر دیاں نہیں ریساں

---

ربّ سچّے دے گھلّے ہوئے سارے پیغمبر سچّے نیں

پر میرے نبی ؐ ، میرے ہادی ؐ، میرے رہبرؐ دیاں نہیں ریساں

---

سچّیاں نیں یُوسفؑ کنعانی دے حُسن جمال دیاں دُھماں

پر من لیا دُنیا ساری عربی دِلبرؐ دیاں نہیں ریساں

---

جے صدق یقین رفاقت وِچ صدیق دا ثانی نہیں لبھدا

تے غیرت،عدل، جلال دے وِچ فارُوق عمر دیا نہیں ریساں

---

جے صبر رضا تے جُرات وِچ شبّیر دا جوڑا کوئی وی نہیں

تے حلم شرافت، تقوے وِچ مولا شبّر دیاں نہین ریساں

---

غمخوار کئی گُزرے تائب محتاجاں دے مسکیناں دے

پر میرے سخی، میرے داتا، میرے سرورؐ دیاں نہیں ریساں

---

ایثار ، سخاوت، نرمی وِچ عثمان جیہا جے کوئی نہیں

شہ زوری، فقر، ولایت وِچ مولا حیدر دیاں نہیں ریساں