قدماں چہ آئیاں جو وی سینے نال لالیاں
سوہنا مرا دیکھدا نہیں گوریاں تے کالیاں
کرنی ایں ریس کہنے اوناں دے نصیباں دی
جہناں نے وی چم لیاں روضے دیاں جالیاں
خیر دیکے منگتیاں نوں خیراں وی نے منگدے
دسو انج کرنیاں نے کہنے لج پالیاں
اک دن آوے گا ضرور سوہناں خواب و چہ
بھیج دا رہو سوہنے نوں دروداں دیاں ڈالیاں
دوستا حضور دیاں محفلاں سجایا کر
گھر تیرے رہن گیاں سدا خوشحالیاں
تپدیاں پتھراں تے لٹیناں وی پیندا اے
یاریاں نبھائیاں نہیں اینیاں سکھالیاں
مٹھی ابوجہل دی چہ بول پیاں کنکراں
میرے نبی پاک دیاں شاناں نے نرالیاں
عشق وچہ سوہنے دے نیازی جیہڑے روندے نے
اونہاں دیاں اکھیاں چہ رہندیاں نے لالیاں
شاعر کا نام :- عبدالستار نیازی
کتاب کا نام :- کلیات نیازی