رب دا دوارا اے دوارا آپ دا
حق دا نظارا اے نظارا آپ دا
اوس پاسے ہندی تقدیر ربّ دی
جیہڑے پاسے ہندا اے اشارا آپ دا
رب جانے کتھے کتھے دھکے کھاوندے
سانوں جے ناں لبھدا سہارا آپ دا
جگ سارا رج دا اے بُوہے آپ دے
فاقیاں تے ہندا سی گزارا آپ دا
دُور ہویاں دین توں بلاواں ساریاں
کربلا چ آیا جاں دُلارا آپ دا
فرش اُتے گونجدا اے نام آپ دا
عرش اُتے وجدا نگارا آپ دا
صائم ایہو لگی رہوے تاہنگ جان نُوں
روضہ کدوں دیکھ ساں پیارا آپ دا
شاعر کا نام :- علامہ صائم چشتی
کتاب کا نام :- کلیات صائم چشتی