رب دا پیارا آیا، جگ دا سہارا آیا، دلاں نوں قرار ملیا
زندگی دا چین تے قرا لے کے آگیا
آمنہ وا لاڈلا بہار لے کے آگیا
والضحی پیشانی والا، مکھڑے نُورانی والا، ربّ دا اے یار ملیا
بنیا بہشت جتھے اک واری بہہ گیا
جہنے اوہنوں دیکھیا اوہ اوہدے جوگا رہ گیا
نُور دا نظارا آیا ، عرش دارستارا آیا ، ماه انوار ملیا
حشر تیک اوسے دیاں ہیں حکمرانیاں
اوسے دیاں ہین وچ چن دے تابانیاں
رحمتاں دے تاج والا ، عرش دی معراج والا، سوہنا غمخوار ملیا
دنیا دے دم وچ صائم دم آگیا
کعبے دی جبین تائیں دیکھو خم آگیا
جلوہ لاہُوتی آیا ، نور ملکوتی آیا ، کیف تے خمار ملیا
شاعر کا نام :- علامہ صائم چشتی
کتاب کا نام :- کلیات صائم چشتی