تیرے در تے میں آ جھولی وچھائی قبلہ عالم
تساں ہر اک دی ہے بگڑی بنائی قبلہ عالم
نہ جانے کی کشش ہیسی تیری اس سادگی اندر
تیرے در تے جھکی آکے خدائی قبلہ عالم
خبر رکھدے نے عرشاں توں اگیرے وی خدا جانے
تیرے دربار دے جھلے سودائی قبلہ عالم
تیرا منگتا ہاں میں ازلوں کرم دی خیر پاشاہا
کرو میری وی ہن مشکل کشائی قبلہ عالم
زمانے دے شہنشاہ اوسدے قدماں تے جھکدے نے
جنہاں نوں مل گئی تیری گدائی قبلہ عالم
حشر دے جد سپاہیاں گھیریاں تیرے نیازی نوں
میں دیواں گا تیرے ناں دی دہائی قبلہ عالم
شاعر کا نام :- عبدالستار نیازی
کتاب کا نام :- کلیات نیازی