رس گئے نے میتھوں ہاسے جاواں میں کیڑے پاسے
غم بے شمار سوہنیاں
دکھاں دے نے سر تے سائے گل و چہ لیکھاں پائے
ہنجواں دے بار سوہنیاں
سینے نال لاکے میں رکھاں یاداں تیریاں راتاں مک جان تاہنگاں مکن نہ تیریاں
پلکاں دے بو ہے ڈھو کے یاداں تیریاں چہ رو کے
کراں انتظار سوہنیاں
تاریاں دی چھاویں ویکھاں راہ سدا چن دی چن وی اڈیک و چہ ہوش نہیوں تن وی
اکھیاں دے لیکے کاسے بیٹھے آں ایسے آسے
ہو وے گا دیدار سوہنیاں
دل والی سیج میری اجے تیک خالی اے میریاں امیداں والی سکی ڈالی ڈالی اے
اجے نہ بہاراں آئیاں چھاؤئیاں خزاواں پائیاں
روندی گلزار سوہنیاں
سوہنے نوں مناون دیاں گلاں وی نہ سیکھیاں ویکھاں رو کے اپنے میں لیکھاں دیاں لکھیاں
درد ونڈاوے کیہڑا سناں سناں دل دا ویہرا
آ جا اک وار سوہنیاں
ہنجواں دے بلھاں اُتے تیریاں دہائیاں نے دل دیاں سیجاں تیرے لئی میں سجائیاں نے
واسطه خدا دا آ جا اک واری پھیرا پاجا
بن کے قرار سوہنیاں
نہ جانے مکنی ایں کدوں کالی رات وی خوشیاں دے ناں کدوں پاونی ایں جھات وہی
روندی نیازی پئی آں عرضاں ایہ کر دی رہی آں
کر بیڑا پار سوہنیاں
شاعر کا نام :- عبدالستار نیازی
کتاب کا نام :- کلیات نیازی