روزِ ازل توں کہیا لبیک جنہاں مکے ڈھکیاں خلقتاں ساریاں نیں
کعبے پاک دے سبھناں طواف کیتے جویں جویں آئیاں ایتھے واریاں نیں
حجرِ اسود دے کیاں نے لے بوسے جتھے ہندیاں بہت دشواریاں نیں
آبِ زم زم نوں جدوں سی ڈِیک لائی ہوئیاں ختم سبھے بے قراریاں نیں
صفا مروہ تے دوڑ دے پئے سارے ایہہ نشانیاں اللہ نوں پیاریاں نیں
ہایا حج میدان عرفات اندر آہ و زاریاں تے اشک باریاں نیں
شام عشا مزدلفہ مقام آکے دونویں کٹھیاں نمازاں گزاریاں نیں
کیتی آن قربانی منٰی اندر تے شیطاناں نوں کنکراں ماریاں نیں
مکے جا کے وداع طواف کیتا مُکیاں حج دیا ذمہ داریاں نیں
غارِ حرا دی دید قربان جائیے جتھے آیتاں رب اُتاریاں نیں
غارِ ثور تے جاندے نصیب والے اوہ تے منزلاں ڈاہڈیاں بھاریاں نیں
اوتھے جائیے ظہوریؔ تے پتہ لگدا کویں یار نبھاؤندے یاریاں نیں
شاعر کا نام :- محمد علی ظہوری
کتاب کا نام :- کِتھے تیری ثناء