لب دے اُتے نام نبی دا دل وچ یاد نبی دی
نعت پڑھاں تے فوراً ملدی مینوں داد نبی دی
ہر ویلے امداد ہے گھلدا اللہ پاک نبی نوں
ایسے لئی سب جگ نوں ملدی ہے امداد نبی دی
ہر چنگے ہر ماڑے تائیں لوے پناہواں اندر
رکھے رب ہمیشہ بستی شاد آباد نبی دی
کملی والے آکھیا رب نوں خیر کرم دا پادے
بخش دتی رب اُمت ہیسی سُن فریاد نبی دی
لکھاں ولی مدینے دے وچ خیرا منگدے پھر دے
ادبوں چوکھٹ ملی رکھن غوث اوتاد نبی دی
کیوں ناں نعرے علی علی دے نبی دے عاشق لاون
جس نوں ناد علی دی کہندے اوہ ہے ناد نبی دی
جا کے شہر مدینے اندر ملدی نویں حیاتی
بھاگاں والی نگری صائم زنده باد نبی دی
شاعر کا نام :- علامہ صائم چشتی
کتاب کا نام :- کلیات صائم چشتی