صبا درِ مصطفی ﷺ تے جا کے
کویں درود و سلام میرا
نبی ﷺ دے قدماں وچ سر جھکا کے
کویں درود و سلام میرا
توں لے کے بوسہ او جالیاں دا
او جالیاں کرمانوالیاں دا
سوال کہہ کہ سوالیاں دا
کویں درود و سلام میرا
تو سامنے روضے دے کھلوکے
میری طرح زاروزار رو کے
نثار قدماں دے اتوں ھو کے
کویں درود و سلام میرا
لیا مدینے دا سب نے رستہ
میں ایتھے ھی رہ گیا ترسدا
تو جا کے روضے تے دست بستہ
کویں درود و سلام میرا
ھوائے اتنا سوال اے میرا
مدینے ھووے گذر جے تیرا
توں لے روضے دے گرد پھیرا
کویں درود و سلام میرا
کدی تے احمد نوں دے نظارا
دکھا دے او روضہ پیارا پیارا
میں عرض کرنا ہاں سن خدارا
کویں درود و سلام میرا
شاعر کا نام :- نامعلوم