سجدیاں نئیں محفلاں تیرے بناں
لگدیاں نئیں رونقاں تیرے بناں
تیرے صدقے رب کردا اے کرم
ہندیاں نئیں رحمتاں تیرے بناں
ایتھے اوتھے لاج رکھ لیں سوہنیاں
رب نئیں ہندا مہرباں تیرے بناں
تیری رحمت نال ہویاں لکھ دا
نئیں تے آقا ککھ ساں تیرے بناں
ہون گے لکھاں سخی دنیا تے پر
کون بھر دا جھولیاں تیرے بناں
لے کدی ساراں مدینے والیا
کوئی سنے نہ میریاں تیرے بناں
گھر بڑے دیکھے نیازی نے شہا
پیندیاں نئیں پوریاں تیرے بناں
شاعر کا نام :- عبدالستار نیازی
کتاب کا نام :- کلیات نیازی