سر چشمہ عطا درِ خیرؐ الورای کی خیر
گنبد سے جان و دل میں اترتی ضیا کی خیر
ہر بابِ مسجدِ نبوی ہے درِ مراد
ہر زاویے سے اس حرمِ دلکشا کی خیر
وابستہ ہے اسی سے نشاطِ دل و نظر
مقصورہ و مواجہ کی نوریں فضا کی خیر
ہو منّبرِ رسؐول سے بیتِ حضورؐ تک
ہر یاد گارِ خواجہء ارض و سما کی خیر
جاں کا خدابہ رشکِ حدیقہ بنا دیا
اے شہر مصؐطفیٰ تری آب و ہوا کی خیر
طیبہ کے پاسبان اَحد کے لیے سلام
تقویٰ پہ استوار حریمِ قبا کی خیر
لوں سانس آخری قدمینِ رسؐول میں
اور مانگتا رہوں درِ خیر النسا کی خیر
شاعر کا نام :- حفیظ تائب
کتاب کا نام :- کلیاتِ حفیظ تائب