تسلیم کر لئی جنہاں عظمت حضور دی
اونہاں دے ناویں ہو گئی جنت حضور دی
ہووے گی بیلیاں تے عنایت حضور دی
منگیاں کرو حضور توں جنت حضور دی
جاون گے لنگھ پار اوہ خیراں تھیں پل صراط
جنہاں دے دل چہ ہووے گی الفت حضور دی
سج دی اے میرے گھر اندر محفل حضور دی
اس گھر چہ ڈیرے لاؤندی اے رحمت حضور دی
میتھوں جو ہویاں غلطیاں کر دین گے اوہ معاف
میں جان دا ہاں دوستو عادت حضور دی
آوے نہ میری نظراں وچہ کوئی ہور دوسرا
ہو جاوے مینوں اینی محبت حضور دی
ایویں نہ مرن جوگیو کریا کرو حسد
الله دی سونہہ ہے میرے تے رحمت حضور دی
جپدا رئیں نام سوہنے دا سوہنے دی آل دا
جا تیرے گھر چہ ہووے گی برکت حضور دی
مر جاوندے نیازی اسیں تے چروکنے
ہندی نہ ہے اساڈے تے رحمت حضور دی
شاعر کا نام :- عبدالستار نیازی
کتاب کا نام :- کلیات نیازی