ترے در توں جدا ہوواں کدی نہ یا رسول اللہ
سدا وسدا رہوے تیرا مدینہ یا رسول اللہ
گنہگاراں نوں ملدی اے پناہ آغوش رحمت دی
لگے جد جالیاں دے نال سینہ یا رسول اللہ
گیاں نے بھل پھلاں نوں وی اتھے اپنیاں ہوشاں
جدوں دا مہکیا تیرا پسینہ یا رسول اللہ
اوہ مندری دل دی چمکے گی ہنیرے وچہ جدھے اندر
محبت تیری دا جڑیا نگینہ یا رسول اللہ
ترے سوہنے مدینے وچ گزریا جو مرے آقا
اوہ ساری عمر دا حاصل مہینہ یا رسول اللہ
بڑے روون گے ایہہ جاروب کش تیرے دوارے تے
صفائی لئی جے آ گئیاں مشیناں یا رسول اللہ
ظہوریؔ دا وی دل جھکیا اے آ کے اوس چوکھٹ تے
جتھے قدسی جھکاندے نیں جبیناں یا رسول اللہ
شاعر کا نام :- محمد علی ظہوری
کتاب کا نام :- صفتاں سوہنے دیاں